HDTV வாங்க போறீங்களா? பயனுள்ள குறிப்புகள்

தொலைக்காட்சி சாதனப் பெட்டி கண்டுபிடித்த நாள் முதல் பல தலமுறைகளைக் கடந்துவிட்டது. கேதோட்-ரே-டியூப் எனப்படும் CRT தொலைக்காட்சிப் பெட்டியின் கருப்பு-வெள்ளை தொகுப்பில் தொடங்கி இன்று HDTV வரை வந்துவிட்டோம். HDTV பற்றி அறியும் முன் சில தொலைக்காட்சி நுட்பங்களைப் பற்றி முதலில் அறிந்துக் கொள்வோம்.

முன்னரெல்லாம் தொலைக்காட்சி அனலாக் சிக்னல் அதாவது "தொடர்முறைக் குறிகை" மூலமாக மட்டுமே இயங்கக் கூடியதாக இருந்தன. தொலைக்காட்சிகளில் படங்கள் நிழற்படங்களாக பெறப்படும். அனலாக் சிக்னல் மூலமாக இயங்கிய தொலைக்காட்சி சாதனங்கள் 4:3 (LetterBox) நீள-அகல விகித படங்களை ஒளிபரப்பியன. பெறப்பட்ட நிழற்படங்களை ஒன்றன் பின் ஒன்றாக நொடிக்கு 25 நிழற்படங்களை காட்சிக்கு தருமாறு வடிவமைக்கப்பட்டன.

சில தலைமுறைகளுக்குப் பின்னராக இன்று HDTV என அழைக்கப்படும் உயர்-துல்லிய தொலைக்காட்சிகள் வழமைக்கு வந்துவிட்டன. LCD, LED, மற்றும் Plasma ஆகிய வகைகளில் இவ்வகைத் தொலைக்காட்சிகள் சந்தைகளில் கிடைக்கப்பெறுகின்றன.

HDTV மற்றும் முந்தையத் தலைமுறைத் தொலைக்காட்சிகளின் வித்தியாசங்களை பெரும்பாலும் முதற் பார்வையிலேயே சொல்லி விட முடியும். சில குறிப்பிடத் தக்க வித்தியாசங்கள்

HDTV தொலைக்கட்சிகளில் 16:9 நீள-அகல விகிதப் படங்கள் தோன்றும், ஆனால் CRT போன்றத் தொலைக்கட்சிகளில் 4:3 விகத படங்கள் தோன்றும்.

HDTV தொலைக்கட்சியின் துல்லியம் அளவில் 1080 நீள வரிகள் வரை இருக்கும். ஆனால், CRT போன்றத் தொலைக்கட்சிகளில் வெறும் 30 நீள வரிகளே கொண்டிருக்கும்.

HDTV தொலைக்காட்சி முறை LCD, LED, Plasma ஆகிய தொழில்நுட்பத்தில் உருவாக்கப் படுவதால் மின்சாரத்தின் தேவை மிகவும் குறைவானதே. ஆனால், CRT வகைத் தொலைக்காட்சிகளில், கேதோட்-ரே-கண் (Cathode-ray emitting gun) பயன்படுத்தப் படுவதால் மின்சாரப் பயன்பாடு அதிகமாக் இருக்கும். இதனால் CRT தொலைக்காட்சிகள் இன்றையத் தலைமுறைத் தொலைக்காட்சிகளை விட பல மடங்கு அதிக மின்சாரம் வீனடிக்கின்றன.

HDTV பற்றி:

HDTV தொலைக்காட்சிகள் அனைத்துமே 16:9 தெளிவு விகிதமாக இருப்பதால் 16:9 விகித அளவுக் கொண்ட படங்களை தெளிவாகக் காணலாம்.


HDTV-யில் பயன்படுத்தப்படும் சிக்னல்:

• 720p - 720 வரிகள் கொண்ட Progressive மேவுதல்
• 1080p - 1080 வடிகள் கொண்ட Progressive மேவுதல்
• 720i - 720 வரிகள் கொண்ட Interlace மேவுதல்
• 1080i - 1080 வரிகள் கொண்ட Interlace மேவுதல்

HDTV-யில் கவனிக்க வேண்டிய அம்சங்கள்:

• HD அளவு:

கடைகளில் பலவேறு HDTV பார்க்கும் போது, ஒன்றைக் கவனித்து இருப்போம். சில தொலைக்காட்சிகளில் HalfHD என்றும் சில தொலைக்காட்சிகளில் FullHD என்றும் குறிக்கப்பட்டிருக்கும். அவை தான் HD-யின் அளவு. அரை HD தொலைக்காட்சிகள் 720p அல்லது 720i சிக்னலை வெளியிடும். முழு HD ஆனது, 1080p அல்லது 720p சிக்னலை வெளியிடும். எல்லாவித தொலைக்காட்சிகளும், எல்லா வித சிக்னலையும் உள்வாங்கும் திறன் கொண்டவை தான். இந்த அளவீடுகள் வெறும் வெளிக்கொனரும் சிக்னல் மட்டுமே. முழு HD மற்றும் அரை HD இரண்டிற்கும் உள்ள வேறுபாடுகள் நம் கண்ணிற்கு தெரியும் தெளிவின் அளவுகள். இதனை ஆங்கிலத்துல் Resolution என்று அழைக்கிறோம்.

ஒரு முழு HD (FullHD) = 1080p அல்லது 1080i = 1920x1080 pixels
ஒரு அரை HD (HD Ready) = 720p அல்லது 720i = 1280x720 pixels

நீங்கள் வாங்கப் போகும் தொலைக்காட்சி 42'-ற்கு மேற்பட்டு இருந்தால் முழு HD வகை தேர்ந்தெடுங்கள். குறைவாக இருந்தால், அரை HD வகை தேர்ந்தெடுங்கள். 42'ற்கும் குறைவாக இருக்கும் தொலைக்காட்சிகளில் முழு HD மற்றும் அரை HD ஆகியனவற்றிற்கான வேறுபாடுகள் தெரியாது, அதனால், போதுமான அளவான அரை HD தேர்ந்தெடுக்கொம் போது நீங்கள் பணத்தை மிச்சப்படுத்துகிறீர்கள்.

• வண்ண பேத விகிதம் (Contrast Ratio)

கடைகளில் நீங்கள் பார்க்கும் தொலைக்காட்சிகளில், 30,000:1 முதல் 1,50,000:1 வரையிலான விகித அளவுகள் வண்ண பேத விகிதமாக குறிக்கப்பட்டிருக்கும். மனிதக் கண்களால் மிஞ்சிப் போனால் கும்மிருட்டில் அமர்ந்துப் பார்த்தால் கூட 600:1 அளவிற்கு மேல வித்தியாசம் உணர முடியாது. எனவே, இதெல்லாம் சந்தைகளில் போட்டிக் காரணமான உயர் புள்ளிகள் தாம். அதனால் இதற்கு அதிக முக்கியத்துவம் தர வேண்டியதில்லை. குறைந்த அளவிலால் ஆன தொலைக்காட்சியைத் தேர்ந்தெடுத்து பணத்தை மிச்சப்படுத்தலாம்.

• Refresh Rate:

Refresh Rate ஆனது, தொலைக்காட்சியின் திரை ஒரு நொடிக்கு எத்தனை நிழற்படங்களைத் தோற்றுவிக்க வல்லது என அறியப் பயன்படும் அளவு ஆகும். 1/30 எனக் குறிப்பிட்டு இருந்தால் அந்த திரையில், நொடிக்கு 30 நிழற்படங்கள் தோன்றும். ஆனால், பெரும்பாலான கேமராக்கள் 1/25 அளவில் தான் படம் பிடிக்கின்றன. ஆனாலும், Refresh Rate அதிகமாக இருப்பதால் படம் பார்க்கும் போது செதில் செதிலாகத் தோன்றாமல் கண்களுக்கு கடினம் இல்லாமல் பார்க்க இயலும். இதனால் குறைந்த பட்சம் 1/30 அளவில் தேர்ந்தெடுப்பது நல்லது.

• மற்றவை:

ஒரு பரிந்துரைக்கத் தக்க தொலைக்காட்சியில் இருக்க வேண்டிய குறைந்த பட்ச இதர அம்சங்கள்:

ஒரு RGB-OUT
மூன்று RGB-IN (பின் பக்கம் இரண்டும், பக்க வாட்டில் ஒன்றும்)
இரண்டு HDMI-IN (பின் பக்கம் ஒன்றும், பக்க வாட்டில் ஒன்றும்)
இரண்டு USB-IN (ஒன்று பராமரிப்பிற்காக)
ஒரு Antenna-IN

குறைந்த பட்சம் இந்த வசதிகள் உள்ள HDTV வாங்குவதற்கு பரிந்துரைக்கலாம்.

HD பற்றியும், ப்ரொக்ரசிவ் மற்றும் இன்டர்லேசிங் ஸ்கேனிங் பற்றியும், இன்னும் சில தொழில் நுட்பம் பற்றியும் தனி தனி இடுகைகளில் காண்போம்.

சைடு டிஷ்:
Dynamic Contrast இருப்பின், படத்திற்கு ஏற்ப காட்சியின் வெண்ண பேதம் மாறித் தோன்றி காட்சியில் இயல்பாய் இருக்கும்.

தெரியாத பலருக்கு சென்று சேர்த்திடுங்கள். தமிழ்10 மூலம்!

சந்திப்போம்,
-வினோ. =)