கீச்சுக்கு போட்டியாக மீமீ - களத்தில் குதிக்கிறது யாஹூ

WOW! என்றும் கூட இன்னும் சில மாதங்களில் இணைய உலகம் முழங்கிக் கொண்டிருக்க நேரலாம். சமூகவலைதளத்தில் கூகிளினைப் போலவே தொடர் தோல்வியைத் தழுவி வந்த யாஹூ நிறுவனம் இப்போது கையில் எடுத்துள்ள ஆயுதத்திற்கு meme என்று பெயரிட்டுள்ளது. குறுவலைச்சரம் என்று தன்னை அறிமுகப்படுத்திக்கொள்ளும் யாஹூ மீமீ உண்மையிலேயே டுவிட்டரைத் தூக்கும் திறன் படைத்தது என்றால் மிகையாகாது.

கூகிளின் DOODLE! திட்டம் யூகிக்கப்படுகிறது!!

நேற்று கூகிளின் UK டொமைனில் கூகிளின் இலட்சனை எவ்வாறிருந்தது என்று பகிர்ந்தோம். இன்று அதன் இலட்சனை சற்று வினோதமாக இருந்தது. இணையப்பக்கத்திற்கு சென்றதும் வண்ணமயமான கூகிள் இணையதளம் இன்று வண்ணமே இல்லாமல் இருந்தது. கூகிள் எனும் பெயர் வெறும் கருப்பு வெள்ளையில் தெரிந்தது. இன்றைய வடவமைப்பின் காரணம் யூகிக்கக் கூடியதாக இருக்கிறது.

கூகிளின் புதிய HTML5 ஆக்கப்பூர்வமான இலட்சனை!

கூகிள் வலைப்பக்கத்தில் இன்று வடிவமைத்துள்ள இலட்சனை பெரும் வரவேற்பைப் பெற்றுள்ளது. கூகிள் தனது பிறந்த நாள் எதிர்வருதை அடுத்து இந்த இலட்சனை வடிவமைத்து இருக்கலாம் என்றுக் கருதப்படுகிறது. தற்சமயம், அதாவது நான் இந்த பதிவினை எழுதும் நேரம், இந்த இலட்சனை கூகிளின் UK டொமைன்-இல் மட்டுமே காண முடிகிறது.

அலைபாயும் கூகிள் Wave

கடந்த 2009-ஆம் ஆண்டு பெரிய அளவில் இணைய உலகினைக் கலக்கியது கூகிளின் வேவ் எனும் ப்ரோஜக்ட். இணைய மேம்பாடடாளர்கள் இடையே பெரும் வரவேற்பினைப் பெற்ற வேவ் பல புரட்சிகர அம்சங்ளைத் தன்வசம் கொண்டிருந்தது. சமூக வலைத்தளங்களில் பின் தங்கி இருக்கும் கூகிள், அதே சமூக வலைதளங்களின் இடையே மிகவும் உபயோககரமான செயற்பாடுகள் மேற்கொள்ளுமாறு வடிவமைத்து வெற்றி அடைய எடுத்த பெரிய முயற்சி தான் இந்த வேவ்.

போர் மூளும் சமூகவலைத் தளங்களும்! பயனர்களின் நேர விரயமும்!!

நீண்ட நாட்களாக ட்ராஃப்டில் வைத்திருந்த பதிவு. ஃபேஸ்புக் இந்தியாவின் முன்னனி என்ற அங்கீகாரம் பெற்றதைத் தொடர்ந்து இந்தப் பதிவினை முடித்துவிட முடிவு செய்துவிட்டேன். இதற்கு முன்னர் டுவிட்டரைப் பற்ற ஒரு பதிவு போட்டு மாபாதகம் செய்தேன். இப்போதும் அதனையே செய்கிறேன். பிடித்திருந்தால் share or like on facebook என்றுக் கேட்கவில்லை. பயனர்கள் விழிப்புடன் செயல்படுவது நல்லது. பவர் யூசர்ஸிற்கு பிரச்சனை இல்லாவிட்டாலும், 20.9 மில்லியன் பயனர்களும் பவர் யூசர்ஸ் அல்லர்.

புதிதாக XP நிறுவிய பின்னர்?

எத்தனை இயங்குதளம் புதிதாக மனம் மயக்கும் வடிவமைப்பில் வெளிவந்தாலும் XP போல வரவே வராது. காரணம், எளிமையான இடைமுக வடிவமைப்பு, பாதுகாப்பு, மற்றும் மாற்றங்கள் செய்வதில் எளிமை ஆகிய அனைத்து அம்சங்களும் தன்னுடன் XP கொண்டுள்ளது தான். இவ்வளவு நாள் விண்டோஸ் செவென் பயன்படுத்தி வந்தேன். XP இயங்குதளத்தினைப் பிரிந்து இருக்க முடியாததால் மீண்டும் வந்து விட்டேன்.

ஃபயர்ஃபாக்ஸ் நீட்சிகள் பாதுகாப்பனவையா?

இணைய உலாவிகள் பல எண்ணிக்கைகளில் வெளிவந்த வண்ணம் இருந்தாலும் பெரும்பாலான பயனர்களுக்கு தங்கள் விரும்பத்தக்க உலாவி ஃபயர்ஃபாக்ஸ் உலாவியாகத் தான் இருக்கிறது. இதன் காரணம் ஃபயர்ஃபாக்ஸ் உலாவியின் வேகம் மட்டுமல்ல. விதவிதமாக நாம் விரும்பும் வகையில் விரும்பும் வசதியுடன் பயன்படுத்த மொசில்லா நிறுவனம் தரும் ’நீட்சிகள்’ வசதியும் தான். ஃபயர்ஃபாக்ஸ், நீட்சிகளின் பயனால் இணைய உலாவிகளிடம் இருந்து தம்மை வெகு தொலைவில் கொண்டுப் போய் நிறுத்திக் கொண்டது.

கீ லாகிங் - இணையக் கள்வர்களிடம் இருந்து காத்துக்கொள்வோம் - 1

இணையத்தில் நமது கணக்கைனை களவாடும் கள்வர்கள் அதிகமாகி வருகின்றனர். இந்த சமயத்தில் நமது கணக்கினைக் காத்துக்கொள்வது பற்றி நாம் தெரிந்துக் கொள்ள வேண்டும். கணக்குக் களவாடல் எந்தெந்த வழிகளில் நடக்கிறது என்று நாம் ஏற்கனவே இங்கே சொல்லி இருந்தோம். அங்கே சொல்லப்பட்ட வழிகளில் ஒன்றான கீ லாகிங் முறையைப் பற்றியும் அதைத் தடுப்பது பற்றியும் இங்கே பகிர்வோம்.

மின்னஞ்சல் முகவரி சேமிப்பு (E-Mail Harvesting) என்றால் என்ன?

தனிநபர் இரகசியம் என்ற ஒரு விடயத்தில் மட்டும் நான் விட்டுத்தரவே மாட்டோம். என்ன தான் இணையத்தில் கலந்துப் போய் இருந்தாலும் நமது தனிப்பட்ட விபரங்களை நம் நன்பர்கள் கேட்டாலும் சொல்வதாக இல்லை. என்ன தான் முன்னெச்சரிக்கையுடன் இருந்தாலும், பல சமயங்களில் நம்மையும் மீறி நம் தனி-நபர் விடயங்கள் மற்றவர்களால் களவாடப்பட்டுவிடும். பெரும்பாலும் நாம் பயன்படுத்தும் கடவுச்சொற்கள் தான் அதிகம் களவாடப்படுகிறது நாம் எண்ணிக் கொண்டிருக்கிறோம். ஆனால், பிரச்சனை வேறு விதமாகவும் வருகிறது.

டிவிட்டர் தேவை தானா?

சமூக வலதளங்களில் தனக்கென ஒரு இடத்தினை பிடித்துக் கொண்டிருக்கும் வலை தளம் இந்த டிவிட்டர். ஃபேஸ்புக் போன்ற சமூக தளங்களுடன் வேறுபடுத்திக் காட்டிக் கொள்ளும் இந்த வலைதளத்தினை உபயோகிப்பவர்களின் என்னிக்கை நாளுக்கு நாள் உயர்ந்துக் கொண்டு வருகிறது. எதற்காகத் தான் இந்த டிவிட்டர் என்று சிந்தித்துப் பார்த்தேன். இது நம் அன்றாட இணைய வாழ்விற்கு அவசியமான ஒன்று தானா? யார் இந்த 'பின்பற்றுவோர்கள்'? அவர்களுக்கு நம் கருத்து எந்த வகையில் உதவும் என்று சிந்தித்தேன். டிவிட்டரால் யார் சாதித்தது என்ன? மிஞ்சிப் போனால் எனக்கு இந்த பதிவு போட காரணமாக இருக்கிறது டிவிட்டர். சிந்தித்ததன் விளைவாக தோன்றிய கருத்துக்களை இங்கே பதிவுலகில் பகிர்ந்துக் கொள்கிறேன்.

இந்தியாவின் உலாவி - எபிக் பிரவுசர்

இந்தியாவிற்கென்றே தயார் செய்துள்ள உலாவியான எபிக்-பிரவுசர் வெளிவந்துள்ளது. பெங்களூருவைத் தலைமையகமாகக் கொண்டுள்ள Hidden Reflex என்னும் மென்பொருள் நிறுவனம் இந்த உலாவி நிரலை வடிவமைத்து நிரலாக்கம் செய்துள்ளனர். இந்த உலாவியின் மூல நிரல்கள் மொசில்லா நிறுவனத்தின் ஃபயர்ஃபாக்ஸ் உலாவியினுடையது என்பது குறிப்பிடத்தக்கது. இது இந்தியாவிற்கென்றே தயாரித்தது மட்டுமின்றி, மற்றொரு சிறப்பும் உண்டு.

குரோமில் பல மின்னஞ்சல் கணக்குகள் - கூகிளில் அறிமுகம்

பெரும்பாலான ஜி-மெயில் மின்னஞ்சல் பயனர்கள் பெரிதும் விரும்பும் ஒரு வசதியை அறிமுகம் செய்துள்ளது கூகிள் நிறுவனம். நம்மில் ஏறத்தாழ அனைவருமே ஒன்றிற்கும் அதிகமாக ஜி-மெயில் வைத்திருப்போம்.

தமிழில் ஜாவா முயற்சி - நகைச்சுவை

நேற்று ஒரு சுவாரசியமான மின்னஞ்சல் ஒன்றினை தோழி ஒருவர் அனுப்பி இருந்தார். சுவாரசியமாக மட்டுமல்லாமல் நகைச்சுவையாகவும் இருந்தது. நாம் செய்யும் ஜாவா நிரலாக்க மொழியினை தமிழில் மொழிப் பெயர்க்க முயற்சியினை அந்த மின்னஞ்சல் மூலமாக பகிர்ந்துள்ளனர். அதனை நம் வலைப்பூ மூலம் பகிர்கிறோம். படித்து ரசியுங்கள். இது மின்னஞ்சலில் வந்ததே அன்றி எனது படைப்பல்ல என்று மீண்டும் சொல்லிகொள்கிறேன்.

ஃபோட்டோஷாப் (1) - செதுக்கப்பட்ட எழுத்துக்கள்

இதற்கு முன், ஃபோட்டோஷாப் பாடமாக அந்த பதிவும் செய்ததில்லை. அதனால், இம்முறை சிறிய முயற்சியாக இந்த முறை செய்கிறேன். சரியாக வரும்பட்சத்தில் தொடர்ந்தும் இந்த வகை பதிவுகள் இடுவோம்.

இணைய வடிவமைப்பில் பிரபலமாகி வரும் ஸ்டைல் தான் Engraved Text" என்று அழைக்கப்படும் செதுக்கப்பட்டது போல தோற்றமளிக்கும் எழுத்துக்கள். தலைப்பிற்கோ அல்லது பொத்தானின் வடிவமைப்பிலோ இது பெரும்பாலும் பயன்படுத்தப் படுகிறது. இதை எவ்வாறு செய்வது என்பதை பார்ப்போம்.

4k (2304p) துல்லிய காணொளிகள் - யூடியூப்-ன் அகல கால்?

போன வருடம் கூட தொலைக்காட்சிகள் எல்லாம் கேபிள் டிவி முறையில் தான் இயங்கிக் கொண்டிருந்தன. என்னமோ தெரியவில்லை, பொழுதுபோக்குத் துறையில் என்ன ஒரு அசுர வளர்ச்சி. பொருளாதார வீழ்ச்சியில் இருந்து உலகம் மீண்டு எழத் தொடங்கி ஆறு மாதம் கூட ஆகவில்லை. சரி, ரஜினிக்கும் இதுக்கும் என்ன சம்மந்தம் என்று யோசிக்காதீர்கள். மேலே கீழே?! :( படியுங்கள்

பைரேட்-பே டோறன்ட் இணையதளம் பயன்படுத்துகிறீர்களா? இதை கவனியுங்க!

என்ன ஆச்சு தெரியுமா? பைரேட்-பே என்னும் டோறன்ட் இணையதளம் ஒன்று ஹாக்கர்களால் கடந்த ஏழாம் தேதி மாலை 8 மணியளவில்(ஏறத்தாழ) தனது சேவையகம், தகவல் கூட்டமைப்பான DataBase ஆகியவை முடக்கப்பட்டது. டோறன்ட் பயன்படுத்தும் நண்பர்களுக்கு இந்த இணையதளம் கட்டாயம் தெரிந்திருக்கும். தெரியாதவர்கள் தெரிந்துக் கொள்ளுங்கள். பைரேட்-பே (Pirate Bay) என்னும் இணையதளம்.

பட்ஜட் மொபைல் வாங்க குறிப்புகள்

இப்போதெல்லாம் அலைபேசி இல்லை என்று சொல்வது எல்லாம் ஆச்சரியப்படும் விஷயமாகிவிட்டது. வசதிற்கேற்ப அவரவர் தனக்கென்று ஒரு அலைபேசியை வாங்கி கையில் வைத்துக் கொண்டு தான் தங்கள் தனிமையை போக்கிக்கொள்கின்றனர். இன்னும் சிலர், அலைபேசிக்காகவே தன்னை தனிமைப்படுத்திக் கொள்கின்றனர் என்பது வேதனையான விசயம். அறிவியல் கண்டுபிடிப்புகளை சரியாக உபயோக்கிக்காமல் தவறான-முறையில்/தவறாக உபயோகிப்பது அறிவீனமான செயல் என்றுக் கருதுகிறேன். இந்த தத்துவத்துடன் தலைப்புக்கு வருவோம்.

நன்பர்களுக்கு 'தொப்பி' கொடுக்க Scripts ரெடி!

உங்கள் நன்பர் உங்களுக்கு அப்பப்போ தொப்பி கொடுக்கிறாரா? பதிலுக்கு பதில் தொப்பிக்கு தொப்பி கொடுக்கலாம் வாருங்கள். பின்வரும் 4 வழிகளில் ஒன்றினைத் தேர்ந்தெடுத்து அவரது கணினியில் இயங்கவிட்டுவிடுங்கள். கணினி விஷயத்தில் அந்நியாயத்துக்கு அப்பாவியாக இருந்தால், மெயிலிலேயே அனுப்பிவிடுங்கள்.

கணினிகளுக்கு தீங்கு விளைக்கும் 6 வித வைரஸ்கள்

கணினியினை பயன்படுத்துவதை விட, அதைப் பாதுகாத்து வைப்பதே பெரிய வேலையாக இருக்கிறது. எப்படி தான், மனைவியைக் கூட புறம் தள்ளிவிட்டு இந்த கணினிகளுக்கு அடிமையாகிறார்களோ தெரியவில்லை. "உமக்கு என்னய்யா அக்கறை? அதிலெல்லாம தலையிடாதே!!" என்று அதட்டுவது எனக்கு கேட்டுவிட்டதால் நேராக விசயத்திற்கே வந்திவிடுவோம்.

உலகிலேயே சிறிய 7mm HDD

ஹிட்டாச்சி நிறுவனம் வெறும் ஏழு மி.மீ. தடிமன் அளவே கொண்ட வன்-தட்டினை அறிமுகப்படுத்தியுள்ளது. தகவல் நினைவகம் மற்றும் வன்பொருள் தயாரிப்பில் தொடர்ந்து தனது இடத்தை தக்க வைத்து வரும் ஹிட்டாச்சி நிறுவனம் இந்த புதிய கண்டுபிடிப்பை நிகழ்த்தியுள்ளது. மடிகணினி மற்றும் உள்ளங்கை அளவுக் கணினிகளின் வடிவமைப்புக்கி இந்த கண்டுபிடிப்பு முகவும் உபயோகக் கரமாக இருக்கும் என்பதால் இந்த வன்-தட்டு வன்பொருளிற்கு துறையில் பெரிய அளவில் வரவேற்புக் கிடைத்துள்ளது.

தமிழ் தொழில்-நுட்ப வலைக்கான டெம்ப்ளேட்

தகவல்-நுட்பம் மற்றும் எண்ணியல், அறிவியல் தொடர்பான செய்திகள், ஆய்வுகள், போன்றவற்றை பகிர நினைக்கும் பதிவர்களுக்காக இந்த டெம்ப்ளேட்டினை தமிழில் கஸ்டமைஸ் செய்து இருக்கிறேன்.

கூகிள்-ஆவணங்களில் ஒளி எழுத்துணரி - புதிய வசதி

சகல வசதிகளைக் கொனர்ந்த வண்ணம் உள்ள கூகிள் நிறுவனம், தற்போது Google Docs என்னும் ஆவண திருத்தி இனைய-நிரலில் இப்போது மிகவும் சிறப்பான வசதி ஒன்றினை அமலுக்கு கொண்டு வந்துள்ளது. ஆங்கிலத்தில் OCR (Optical Character Reading) எனவும் தமிழில் ஒளி எழுத்துணரி என்றும் அழைக்கப்படும் இந்த நுட்ப வசதி, மற்ற ஆண்லைன் ஆவண திருத்தி நிரல்களிடம் இருந்து தன்னை பல அங்குலம் அப்பால் கொண்டு நிறுத்திக் கொண்டது.

மாற்றி யோசிக்கும் நெறோட் - புதிய டோறன்ட் தேடுதளம்

டோறன்ட் பயன்பாட்டாளர்களுக்கு ஒரு மகிழ்ச்சியான செய்தி. டோறன்ட் தேடுதளங்களில் சற்று மாற்றி யோசிக்கும் தேடுதளம் ஒன்று உருவாகி, மற்ற தளங்களில் இருந்து தனது தனித்துவத்தை நிலை-நாட்டியுள்ளது. அவர்களுக்கே ஒரு கசப்பான செய்தியும்: இந்த சேவை தற்சமயம் மூடப்பட்டுள்ளது.

மின்னல் வேக Firefox 4.0b1 புதுசு கண்ணா புதுசு!

இந்த இணைய உலாவிகளின் போட்டிகள் பற்றி சொல்லி முடிக்க முடியாது. ஒருவருக்கு ஒருவர் முந்திக் கொண்டு போர் பந்தய வாகனம் போலப் பறப்பதைப் பார்த்து இணைய உலகமே அவ்வபோது அதிர்கிறது. அந்த வரிசையில் இப்போது Firefox 4 உலாவியின் முதல் beta பதிப்பு வெளியிடப்பட்டுள்ளது.

கூகிள் Vs ஃபேஸ்புக்: இணையத்தின் அடுத்த சூடான போர்?

அமெரிக்காவில் கேம்ப்ரிட்ஜ் எனும் ஊரில் Mark Zuckerberg என்று ஒரு மாணவர் இருந்தார். ஹார்வார்ட் பல்கலைகழகத்தில் தனது படிப்பை பாதியிலேயே தூக்கி எறிந்தார். அவருக்கு அந்த பட்டம் தேவைப்பட்டிருக்கவில்லை. அப்படி தூக்கி எறியும் அளவிற்கு அவரிடம் என்ன இருந்தது? விடுதியில் தங்கி படித்தார்.

HDTV வாங்க போறீங்களா? பயனுள்ள குறிப்புகள்

தொலைக்காட்சி சாதனப் பெட்டி கண்டுபிடித்த நாள் முதல் பல தலமுறைகளைக் கடந்துவிட்டது. கேதோட்-ரே-டியூப் எனப்படும் CRT தொலைக்காட்சிப் பெட்டியின் கருப்பு-வெள்ளை தொகுப்பில் தொடங்கி இன்று HDTV வரை வந்துவிட்டோம். HDTV பற்றி அறியும் முன் சில தொலைக்காட்சி நுட்பங்களைப் பற்றி முதலில் அறிந்துக் கொள்வோம்.

இந்திய கரண்சிக்கு புதிய குறீயீடா?

இந்திய கரண்சிக்கென தனி அடையாளச் சின்னம் ஒன்று ஆயத்தமாகி உள்ளது. டாலர் ($), பவுண்டு(£), யென்(¥) போன்ற கரன்சிகள் தனக்கென தனி அடையாளச் சின்னம் கொண்டுள்ளது. இது போல, இந்தியாவின் கரன்சிக்கென ஒரு அடையாளச் சின்னம் உருவாக்க நடுவன் அரசாங்கம் முடிவெடுத்திருந்தது. இதன் முயற்சியாக அடையாளச் சின்னம் உருவாக்குவதற்காக நாட்டின் பலவேறு வடிவமைப்பாளர்களிடம் போட்டி முறையில் தேர்வு நடைப்பெற்றது. அவற்றில் சிறந்ததாக 5 சின்னங்கள் தேர்ந்தேடுக்கப் பட்டுள்ளன.

சிறந்த பத்து சிண்ணங்களின் இரகசியங்கள்

நிறுவனங்கள் தங்கள் வாடிக்கையாளர்களிடமும், நுகர்வோரிடமும் முதல் அபிப்பிராயம் ஆழ்ந்ததாகவும், வலிமையாக இருக்க உதவுகிறது அவைகளில் சின்னங்கள். பெயர் வைப்பதில் எவ்வளவு கவனம் வேண்டடுமோ அதே கவனம் சின்னத்திலும் செலுத்துதல் அவசியம். சிலர், பெயரினும் அதிக கவனம் சின்னத்தை அலங்கரிப்பதிலே இட்டு,

கூகிள் தேடலில் சுவாரசியம்

சுவாரசியமான பதிவு. உலகில் பெரும்பாலானோரைக் கவர்ந்த நிறுவனம் எனும் பெயர் வாங்கிய கூகிள் பற்றிய பதிவு. கூகிள் தனது வேகத்தாலும், சேவைகளாலும், கொள்கைகளாலும் நம்மைக் கவர்ந்தாலும் இங்கே இன்னமும் சில சுவாரசியமான கூகிளை சீண்டிப் பார்க்கக் கூடிய விஷயங்கள். நம்மில் பலருக்குத் தெரிந்திருக்கும். இருந்தாலும், ஓட்டளித்து தெரியாதோர்க்கும் கொண்டு சேரச் செய்யுங்கள்.

நோக்கியாவின் மடிகணினி அறிமுகம்

அலைபேசி வர்த்தக உலகின் ஜாம்பவானாக வலம் வரும் நோக்கியா நிறுவனம் அண்மையில் மடிகணினி வர்த்தகத்தில் இறங்கப் போவதாக அறிவித்துள்ளது.

ஆர்குட் கணக்கினை ஹாக்கர்ஸிடம் இருந்து காக்க

ஆர்குட் கணக்கினை ஹாக்கர்ஸிடம் இருந்து காப்பது பற்றி பார்ப்போம். இந்தியாவில் பெரிதளவில் சாதித்த சமூகவலை இணையம் ஆர்குட்டாக தான் இருக்க முடியும். ஃபேஸ்புக், டுவிட்டர் போன்றவையெல்லாம் சமீபத்தில் தான் இந்தியாவில் பரவலாகப் பயன்படுத்தப்படுகின்றன. எத்தனை இணையம் வந்தாலும், பெரும்பாலானோர் தற்சமயம் விரும்பி பயன்படுத்துவது ஆர்குட் மட்டுமே. ஆர்குட் இணையம் முழுக்க முழுக்க JAVASCRIPT மூலமாக வடிவமைக்கப்பட்டுள்ளது.

இணையம்+தொலைக்காட்சி = கூகிள் டிவி

இணையத்தில் கால் பதித்த நாள் முதல் கூகிள் இழுத்த மூச்சுடன் இன்னமும் முதல் இடத்தில் உள்ளது மட்டும் அல்லாது, எந்த போட்டி நிறுவனமும் முந்த முடியாத தொலைவில் தான் வண்டி ஓட்டிக் கொண்டிருக்கிறது. அந்த வரிசையில், கூகிள் கால் பதித்துள்ள இடம் தான் "கூகிள் டிவி". இதைப் பற்றி விரிவாக அலசுவோம்.

மொமைல் கேமரா மூலம் அழகாய் படம் எடுக்க குறிப்புகள்

நம்மில் பலர் புகைப்படம் எடுப்பதில் ஆர்வம் அதிகம் இருந்தாலும், தன்னிடம் சொந்தமாக ஒரு டிஜிட்டல் கேமரா இருக்காது. எனினும், முயன்ற அளவு திருப்திகரமான புகைப்படங்களை நம் அலைபேசியில் உள்ள கேமரா மூலம் சுட முடியும். அதற்கான சில சின்ன சின்ன வழிமுறைகள்.



வெளிச்சம் தேவை:

பல அலைபேசிகளில் உள்ள கேமராக்களில் ஃப்ளாஷ் இல்லாத்தால் புகைப்படங்கள் இருளான சூழலில் சுடுவது கடினம் தான். அலைபேசிகளில் உள்ள கேமரா பொருத்தமட்டில் வெளிச்சம் ஒரு பெரிய பிரச்சனையாகவே உள்ளது. படம் எடுக்கும் போது நீங்கக் எடுக்க போகும் பொருள் (subject) குறைந்தபட்சம் வெளிச்சம் தெளிவாக இருக்க வேண்டும். பளீச் என மின்ன வேண்டாம். அதே சமயம் இருளாகவும் இருந்து விடக் கூடாது. நம் கண்கள் போல் அல்ல கேமராக்கள். ஆக, நமக்கு தெரியும் ஒளி கேமராவிற்கு தெரியாது. பல வெளிச்சங்களில் புகைப்படம் எடுத்துப் பாருங்கள். பிறகு ஒளி அளவின் தேவைப் பற்றி அறிய முடியும். விளக்குகளும் பயன்படுத்துங்கள். சரியான அளவினான ஒளியுடன் கூடிய விளக்குகள் subject மீது ஒளிக்கச் செய்து படங்கள் எடுக்கலாம். subject-இன் பின்புறம் உள்ள வெளிச்சம் subject மீது உள்ள வெளிச்சத்தை விட குறைவாக இருக்க வேண்டும். இதில் அதிக கவனம் தேவை.

அசையாத நிலை அவசியம்:

ஒவ்வொரு கேமராவிற்கும் உள்ள பண்பு நலன்களில் shutter speed முக்கியமானது. ஷட்டர் ஸ்பீட் என்பது, கேமரா ஒளியினை தன் உள்ளே ஊடுறுவ அனுமத்திக்கும் காலம் என்பதனை குறிக்கும். ஒரு தரமான கேமரா என்றால் குறைந்த பட்சம் 1/200 வினாடி கால அவகாசம் மட்டுமே ஒளி உள்ளே செல்ல அனுமத்திக்கும். இதனால், அசையும் பொருளினை படம் எடுத்தாலும், அது நிற்பது போலவே காட்சி அளிக்கும். அலைபேசியில் உள்ள கேமராக்களில் ஷட்டர் ஸ்பீட் அதிகமாகவே இருக்கும். வெளிச்சம் குறைவான சூழலில் இது இன்னும் அதிகமாக் இருக்கும். எனவே, முடிந்த வரை நீங்கள் எடுக்க போகும் subject எந்த காரனத்தாலும் அசையாமல் பார்த்துக்கொள்ளுங்கள். கையில் பிடித்து படம் எடுக்கும் போது சில சமயம் கை நடுங்கும். நடுங்காவிட்டாலும், 'க்ளிக்' செய்யும் போது கண்டிப்பாக அசையும். அதனால், அனைத்து கேமராக்களிலும் டைமர் (timer) எனும் வசதி தரப்பட்டிருக்கும். அதில் 5 வினாடி (உதாரனமாக்) அமைத்துவிட்டு, 'க்ளிக்' செய்துவிட்டு நிலையான இடத்தில் சப்ஜக்ட் நோக்கி வைத்து விடுங்கள். 10 வினாடிகளில் தானாக 'க்ளிக்' செய்துக்கொள்ளும். subject-ம் கேமராவும் அசையாத பட்சத்தில், தெளிவான படம் கிடைப்பது உறுதி.

Zoom வேண்டவே வேண்டாம்:

subject உங்கள் படத்தில் எவ்வளவு அருகில் வேண்டுமோ அவ்வளவு அருகில் சென்று படம் எடுங்கள். Zoom என்பது தூரத்தில் உள்ள நமது subject அருகில் சென்று எடுப்பது போன்ற உணர்வினைத் தரவே பயன்பட்டாலும், அதில் இரண்டு வகை உள்ளது. ஒன்று- ஆப்டிக்கல் ஜூம்: இது, ஒரு ஜோடி லென்ஸ் தனக்குள் இருக்கும் தூரத்தை அதிகப்படுத்தி, தொலைவில் உள்ள பொருளினை அருகில் இருப்பது போல் காட்டும். இதனால், படம் எடுக்கும் போது zoom செய்யப்பட்ட ஒளி மட்டுமே கேமரா உள்ளே செல்கிறது. இரண்டாம் வகை: டிஜிட்டல் ஜூம்: இது, தொலைவில் இருக்கும் பொருளை தொலைவிலேயே படம் எடுத்து, அதை pixel enlargement செய்யும். அதாவது, ஒரு பிக்ஸலில் உள்ள விவரம் (definition) ஒன்றிற்க்கு மேற்பட்ட பிக்ஸல் தேவைப்படும் விதம் பெரிதாக்கி கொள்ளும். இதனால், படத்தின் துள்ளியம் குறைகிறது. அலைபேசிகளில், டிஜிட்டல் ஜூம் எனப்படும் அம்சம் மட்டுமே காணப் படுகிறது( சமீபத்தில் ஸ்பைஸ் மொபைல் ஆப்டிகல் ஜூம் வசதியுடன் அலைப் பேசியினை அறிமுகப்படுத்தி உள்ளது). எனவே, டிஜிட்டல் ஜூம் வசதியினை முடிந்த வரை தவிர்த்து பொருளின் அருகில் சென்று படம் எடுங்கள். "என்னய்யா..? அப்புறம் எதுக்கு இந்த டிஜிட்டல் ஜூம்னு ஒன்னு இருக்கு' என்றால், அதன் அவசியம் தவிர்க்க முடியாத சில சமயங்களில் தேவையே படுகிறது. உதாரணத்திற்கு, தொலைவில் உள்ள பொருளினை படம் எடுக்கப் போகிறீர்கள் என வைத்துக் கொள்வோம். அந்த பொருள் எதிர் வீட்டில் உள்ள உங்கள் காதலி என் வைத்துகொள்வோம்(சும்மா வைத்துகொள்வோம்). அவள் அவளது அறையில் இருக்கிறாள், நீங்கள் உங்கள் ஜன்னலில் இருந்து படம் எடுக்கிறீர்கள். இருவர் வீட்டிற்கும் இடையில் உள்ள திறந்த வெளியினால், ஆதவன் உங்கள் காதலியின் பிரகாசத்தை குறைத்துவிடுவான். அப்போது, இந்த ஜூம் வேறு வழி இல்லாமல் பயன்படுத்தியே தீர வேண்டும். ஜன்னல் வரை ஜூம் செயவதால், இடையில் உள்ள வெளிச்சம் காணாமல் போகும், இதனால் கேமரா தானாகவே வெளிச்சம் அதிகப்படுத்தி, காதிலையை அவர் இருப்பது போல் பிரகாசமாகவே காட்டும்( ஐடியா தவறான வழியில் பயன்படுத்தப்பட்டால் கம்பெனி பொறுப்பல்ல!). தவிர்க்க முடியாத சூழல் தவிர முடிந்த வரை ஜூம் வசதி வேண்டவே வேண்டாம்.

Automatic தவிர்த்துவிடுங்கள்:

டிஜிட்டல் கேமராக்களில்ஆட்டோ எனும் வசதி தரப்பட்டிருக்கும். இது, "white balance" எனும் வசதியின் கீழ் இருக்கும். white balance என்பது நீங்கள் படம் எடுக்கப் போகும் பொருளினை, நிறம் மாற்றாம் இல்லாமல் எடுக்கவே. இதை auto modeல் வைத்து விட்டு அதன் பயனே தெரியாமல் படம் எடுக்காதீர்கள். நீங்கள் இருக்கும் சூழல், விளக்கின் நிறம் பொருத்து பொருளின் நிறம் மாறி தோன்றும். இதனால், நீங்கள் white balance பயன்படுத்தி உண்மையான நிறம் அல்லது, வேண்டிய நிறத்தில் படம் எடுக்கலாம். இருளில் கூட அதாவது தேவையற்ற புள்ளிகள் (grains) ஏதும் கூட இல்லாமல் படம் எடுக்க முடியும். அதுவும் இல்லாமல், mood-ற்கு தகுந்தவாறும் நிறம், தோற்றம் மாற்றி அமைக்கலாம். இதில் பல ஆய்விகளை நீங்களே நடத்திக் கொள்ளுங்கள். மிகவும் பயனுள்ளதாகவும், சுவாரசியமாகவும் இருக்கும்.

அதிகபட்ச resolution:

உங்கள் கேமராவில் உள்ள அதிகபட்ச ரெசொல்யூஷன் செட் செய்யுங்கள். பிறகாலத்தில் எடிட் செய்வதற்கு உதவியாக இருக்கும். படத்தின் விவரமும்(definition) அதிகமாகவும், துள்ளியமாகவும் இருப்பதால், படத்தில் மாற்றங்கள் செய்யும் போது ஏற்படும் விவர நட்டம் (reduced definition) குறைவாகவும், வேண்டாத பெரிய மாற்றங்கள் ஏதும் ஏற்படாமலும் இருக்கும். ஒரு 2 megapixel கேமராவின் அதிகபட்ச resolution 1600 பிக்ஸல் அகலமும், 1200 பிக்ஸல் உயரமும் இருக்கும். இதனை, 1600x1200(அகலம்xஉயரம்) என்ற முறையின் கீழ் குறிக்கப்படும்.

ஒரே பொருள், பல முறை:

ஒரு பொருளை படம் எடுக்கும் போது, ஒரு முறை எடுத்து, அது திருப்திகரமாய் இருந்தாலும் மேலும் பல முறை சுட்டுக் கொள்ளுங்கள். அலைபேசியில் உள்ள திரையில் தோன்றும் பிரகாசம், கனிணி திரையில் தெரியாது. எனவே, அலைபேசியின் திரையினைப் பார்த்து ஏமார்ந்து விடாதீர்கள். பல படங்கள் எடுப்பதன் மூலம், கனிணியில் அனைத்தையும் பார்த்து, அவற்றில் இருந்து ஒன்று தேர்ந்தெடுக்க வசதியாக இருக்கும். ஃபில்ம் ரோல் தேவை இல்லாததால், தேவையற்ற படங்களை பின்னர் அழித்து விட்டு, நினைவினை மீள பெற முடியும். எனவே, சிக்கனம் பார்க்காமல் சுட்டுத் தள்ளுங்கள்.

மற்றும், கேமரா லென்ஸினை அவ்வபோது சுத்தம் செய்துக்கொள்ளுங்கள். மூக்குகண்ணாடி துடைக்கப் பயன்படும் துனி, காது குடையும் காட்டன் பட்(cotton bud) ஆகியவை கேமராவினை துடைக்க சிறந்த பொருட்கள்.

பின்குறிப்பு:

நெனச்ச நேரத்துல, அப்பப்ப பார்க்கும் அறிய விஷயங்கள ஃபோட்டோ எடுக்றதுக்கு தான் ஃபோன்ல கேமரா இருக்கு. இவ்வளவும் பண்ணிக்கிட்டிருந்தா எப்புடினு நெனக்கரவங்களுக்கு,

அசப்பில் சில அழகான தருனங்கள் வரும் போது, 'எனக்கும் அதே ஃபீலிங் தான்'.

சந்திப்போம்,
-வினோ.